OAR

Activistas antipolígono están dirixíndo unha campaña que rematará o vindeiro venres, 14 de novembro e  que consiste  no envio máxivo de cartas aos políticos titulares da Presidencia, Vicepresidencia, Medo Rural, Medo Ambiente e Vivenda. Calquera persoa pode cubrir este modelo de carta e facerllo chegar ó colectivo, antes do venres 14. Só tes que cubrirlo teu nome e apelidos e a parróquia na que vives (espazo reservado con XXXXXX)

9 de novembro de 2008

Estimado Señor,

 

            O meu nome é XXXX XXXX XXXXXXXXX XXXXX e vivo na parroquia de XXXXXXXXXXXXXXX . Con certeza que non sabe moi ben onde queda, pero aquí pretende construír un Polígono Industrial que lle chama de Mos-Redondela. Aínda é un proxecto polo que quixera, nesta breve carta, realizar unha pequena reflexión e estender un convite.

            Nos seus discursos vostede sempre fala de grandes números. Menciona os km de estradas, autovías ou AVE; os m² de chan industrial. Son números que coloca como garante do benestar dos galegos/as. Desde Santiago son dados a falar de macrocifras e esquecer que en cada número, detrás de cada m², baixo cada km hai persoas. 

            O benestar das persoas non se mide en cifras ou m². Benestar é ter como veciños outros veciños que viven en casas e non naves industriais que, todos sabemos, non son habitables. É que as noites sexan noites e non permanentes focos de luz, e cando cante o cuco non se escoite só ruído de industrias. Benestar é saber que no día de mañá os nosos fillos recibirán un mundo algo mellor que o que nós recollemos. O benestar é un sentimento de tranquilidade. E non podemos estar tranquilos sabendo que as decisións que se toman non contan co máis importante que ten este país, os seus habitantes.

            Convídolle sinceramente que veña á extrema entre Mos e Redondela. Pase un domingo pola tarde coa súa familia pola área recreativa do Chan das Pipas, pasee polo Camiño de Santiago, a Vía Romana ou o recén  restaurado Camiño da Auga. Se quere, pode participar do próximo magosto-serán que organizan os veciños de Saxamonde. Veña e camiñe, como agora se pode, pola estrada que vai de Os Valos a Guizán e fale cos veciños, vexa como vivimos. Pódese asomar ata o Coto do Gran e apreciar en toda a súa extensión o Val do Maceiras. Todo antes de que se aprobe o proxecto do Polígono Industrial, claro!

            Os proxectos non se poden redactar desde os despachos. Hai que pisar a terra que se pretende ocupar. Hai que falar cos veciños que se pretenden ordenar. Para facer país, para progresar, hai que saber e coñecer os nomes dos lugares e das persoas que viven neles. O progreso e a construción do país non se poden facer de costas á cidadanía.

            Se finalmente vostede se acerca a este lugar, verá que é un territorio poboado, con proxectos de vida realizándose e outros por realizar. Verá que o noso monte non está desordenado, é o Polígono quen desordena, ou se prefire, desestrutura o territorio. Encaixonado entre tres parroquias, lindando con múltiples vivendas con persoas que as habitan, con accesos perigosos, coas afectacións nas augas de traída, o Polígono nin trae progreso, nin fai país. Este polígono condena esta zona e destrúe non só o entorno e a paisaxe, senón o que é máis importante, as vidas dos veciños.

            Pásese por esta terra para comprobar que o benestar non se debuxa nos planos nin se mide en m², senón que se camiña no terreo e se valora cada día.

 

Reciba cordiais saúdos,                                             

                  

Hoxe, 9 de novembro, celebrouse ás 10:30 hs. no Centro Cultural do lugar da Chan das Pipas (Saxamonde), unha xuntanza informativa cos veciños de Saxamonde, Vilar e Arrufana (Mos), para poñelos ao corrente dos aspectos máis negativos dun futuro polígono que levaría acabo Xestur (Xunta de Galicia). A xuntanza estaba promovida por un colectivo de veciños afectados, e despois de que a Comunidade de Montes en Man Común da Parroquia redondelá de Saxamonde, unha vez máis, se manifestase contraria a desaparición da súa propiedade, e recurso, económico (producción de madeira) , público (espazos de lecer, deportivos, etc.) e social (espazos de lecer, deportivos, aire limpo, paseos a pe, en bici, a cabalo, festas, seráns, comunidade, auga, etc), O MONTE
 

Os activistas antipolígono, empezaron a charla mostrando unha diapositiva do plan de infraestructuras viarias do Pla Vigo Integra e alegaron que o Plan pretendía arranxar Vigo, a conta de queimar tódolos arredores e manifestaron levar un par de semanas de actividade, sen parar. Entre as súas accións, xa se reuniron cos partidos políticos con máis representación na corporación municipal (PSOE, PP e BNG), e cas Plataformas Cidadá de Redondela Contra a Autovía e Defende Mos (ambas membros da Rede A Ría Non se Vende). Ningún partido dos entrevistados, se manifestaron contrarios o polígono, máis ben están todos a favor. Polo que ningún partido comparte os seus obxetivos contrarios, do cal algún membro se alegrou (entendín porque os partidos soen empregar estes asuntos de xeito manipulativo e só pensando nos seus inetreses electorais). O colectivo, non ten cargos, nin presidentes ou directivas e reunense, en asembleas abertas, tódolos venres, ás 20:30 hs. no Centro Cultural de Chan das Pipas, en Saxamonde, e o seu traballo repartese entre os veciños por consenso e según a dispoñibilidade dos mesmos/as veciños/as. Xa elaborarón un manifesto no que expresan unhas das poucas razóns polas que se opoñen ó polígono. Tamén confecionaron unha carta dirixida aos máximos reponsables políticos da Xunta, Vicapresidencia, Consellería de Medio Ambiente, Medio Rural e Vivenda (recibiredela no futuro ou poderedela consultar no futuro no blog de OAR, www.oaredondela.blog.com, ou no mesmo blog do Colectivo veciñal antipoligono, www.nonopoligono.blogspot.com . Tamén acordaron un logotipo representativo (adxuntase), do que xa se imprimiron autocolantes (pegatinas). Están intentando quitar camisetas e logos antipolígono en plástico, como os que se fixeron cando o NUNCA MÁIS, para colocar nas vivendas rexeitando o polígono. Están organizando a colocación de varias e grandes pancartas e da colocación de cruces (unha por cada nave que pensan construir en Saxamonda (máis de 60). Pensan que a súa actuación ten que ser rápida e contundente, e non perden a esperanza de gañarlle a partida aos poderosos, tendo en conta o rexeitamento veciñal que está acarrexando o veciño polígono da Veigadaña en Mos, o paso polo lugar do camiño de Santiago e outro romano, a preocupación de Xestur pola oposición veciñal non esperada en Mos e Redondela, contra estes polígonos e que se acerca un novo período electoral.

Entre os veciños promotores do colectivo atopanse un coñecido matrimonio, activistas de diversos colectivos e iniciativas como A. Cultural Alén Nós, Liga Veciñal de Redondela polo Voto Nulo, ou Plataforma Cidadá de Redondela. Na xuntanza aberta de hoxe, acudiron tamén vari@s membr@s da Plataforma Cidadá de Redondela (5, un deles membro tamén de OAR) e polo menos dúas activistas da Plataforma Defende Mos.

Dende a Plataforma expresamos ós veciños moitos deles propietarios de vivendas, terreos, montes, leiras, traídas de auga etc, que heredaron dos seus antepasados ou mercaron cos seus aforrros, que non deberan sentirse os únicos afectados, xa que fora de Saxamonde ,outros cidadáns tamén nos sentiamos afectados, por que tamén disfrutamos dun entorno natural a día de hoxe conservado. Se lles quixo expoñer que a Plataforma Cidadá que leva máis de 2 anos loitando contra a utovía tamén se sinte acfectada directa do polígono, xa que un dos argumentos e polo atrainte da autovía é o Aeroporto de Peinador, e de construirse o Polígono industrial crearíase outo polo atraínte e argumento para construir un futuro trazado de Autovía, tendo aquela zona moitas papeletas para que además de polígono lle colocasen unha autovía. Explicouselles que tanto a Plataforma Cidadá se debera volcar máis na loita contra ó polígono, coma o novo colectivo debera implicarse máis e ter enconta a autovía. Que oq ue se aveciña, non é só un polígono, que os deixara aillados entre naves, ruidosas, tráfico pesado, fumes, senón que tamén existe a ameaza dunha infraesctrutura que vai a dividilos e separalos do mundo (a autovía), como lle acontece aos/as veciñ@s de Mos, que sufren a autovía de Porriños-Vigo que divide familias e parroquias, que só ten dúas zonas de paso (soterrado) pola que non pasan os trailers das naves salpicadas por todo o concello e malamente pasa o transporte escolar.

Tamén lle expresamos que estaban a realizar un bo traballo e nunha acertada liña, e que non se pensaran que quen leva 30 anos (ou o seu recambio) demostrando nada, e que non lle interesan os cidadáns, lles iban a arranxar o problema que se lles aveciña e non iban a facer nada por eles, que confiaran na asemblea de veciños de Saxamonde e no seu colectivo recén creado, que o estaban a facer bastante ben. Que os poderosos esperaban que estiveran quedos e calados, entretidos en botellóns, circos, festas e magostos varios, e mentres eles arranxaban as súas contas correntes e as dos seus amguitos/as. A Plataforma de Redondela, informamolos de que tanto o Polígono como o Plan Vigo Íntegra formaban parte do mesmo proxecto, modelo de globalizador de infraestructuras destructivas e desconsideradas, ca natureza, cidadáns, o territorio, os recursos públicos, etc. e así informamolos que celebraríamos unha manifestación contra o plan Vigo Íntegra, o vindeiro 30 de novembro. Así mesmo quen suscribe animounos a considerar a posibilidade de pecharse no concello, coordinados ca Rede Galiza non Se Vende, o próximo 13 de novembro e coincidindo co afundimento do Prestige. A Asemblea veciñal rematou, pouco antes das 13:00 hs.

Podedes atopar algunha información da mobilización deste colectivo

http://www.farodevigo.es/secciones/noticia.jsp?pRef=2008110200_3_270591__Comarcas-poligono-Redondela-dejara-Camino-Santiago-entre-naves

Ou información nos medios de futuras accións da Plataforma Cidadá

http://www.farodevigo.es/secciones/noticia.jsp?pRef=2008110700_3_271885__Comarcas-Plataforma-Cidada-recorrera-montes-para-protestar-contra-amenazas-infraestructuras

Ca intención de ter continuidade en próximos anos, o colectivo Xogo Descuberto, organiza as I Xornadas Antisgae, o martes 28 e venres 31, de outubro, e o mércores 5 e o sábado 8, de novembro , con actos (retrasmisións, charlas, cea, performances, etc.) na rúa (do Principe), nos Centros Sociais A Cova e a Tiradoura e os establecementos La Iguana Club e Koxobar. Para máis información clika no seu blog e consulta o programa en: http://xogo-descuberto.blogspot.com/2008/10/i-xornadas-antisgae.html

A Asociación Cultural Alén Nós, de Redondela, dentro do ciclo habitual de charlas, debates, etc, organizamos as próximas Conversas de Alén Nós, que co título Transporte por ferrocarril e alta velocidade, tratarán aclararnos a situación actual en Galiza, destes medios de transporte, e cal pode ser o futuro de ámbolos dous medios. Logo da conferencia establecerase, como é costume nas Conversas de Alén Nós,  un turno no que o público asistente podera plantexar as opinións, exposicións, preguntas, propostas, etc. que razonada, civica, respetuosa e ordenadamente considere.
 

Os conferenciantes invitados serán, Fernando Gómez Camarero, Coordinador Xeral da Plataforma Galega SALVA-LO TREN e Rafael Camacho, Representante da sección sindical da CXT do ferrocarril de Pontevedra (integrante, tamén na Plataforma SALVA-LO TREN). Esperamos a vosa asistencia e participación activa, este venres, 17 de outubro, ás 20:00 hs. no Multiusos da Xunqueira (Paseo da Xunqueira, s/n) de Redondela.
 
Agradeceríase, que se sodes da Área de Vigo, imprimades o cartaz e o difundades, no voso barrio, ou nos medios (asembleas, xuntanzas, blogs, webs, xornais, radio, etc) das asociacións ou coletctivos nos que actuedes ou dos que participedes.

O pasado mércores día 27, no marco do pleno municipal mensual, produciuse unha situación sen precedentes na vila de Redondela. Coa escusa de buscar un transcurso supostamente ordenado de ese pleno, o goberno municipal tentou limitar e intimidar a presencia veciñal no salón de plenos. Por unha parte, colocáronse varias filas de sillas con intención de limitar o aforo; por outra, a policía local esixiulle identificación a todas as personas que intentaron cubrir ese aforo. Ademáis, un fortísimo despliegue policial no exterior pretendeu ser unha exhibición de forza por parte do alcalde; unha ducia de axentes antidisturbios, varios policías nacionais e media ducia de policías locais foron a dotación mobilizada, que en momentos resultou máis numerosa que os veciños concetrados en fronte do concello. Cabe aquí comentar que este dispositivo é notablemente superior ó desplegado en eventos como o Entroido de Verán e as feiras, circunstancias moito máis delicadas dende o punto de vista da seguridade cidadá.

A nosa resposta a esta provocación do alcalde de Redondela empeza por lembrarlle públicamente que, ó remate dun pleno semellante, celebrado hai uns meses, convidounos a acudir ós plenos aínda que non servise de nada; o que naquel momento pareceu cortesía revélase agora como cinismo.
Unha vez máis, Xaime Rei demostra confundir democracia con despotismo e, con actitude propia de unha época pasada, nega a participación cidadá na política local, recurrindo neste caso á intimidación policial e o uso prepotente da suposta autoridade que lle outorga o seu cargo. Sen querermos recurrir á palabra “dimisión”, pensamos que o señor Rei debería empezar a considerar a posibilidade de cederlle o seu posto a unha persona disposta a practicar unha política máis propia dos tempos da democracia, xa que él da síntomas manifestos de crerse o dictador plenipotenciario de Redondela, e non parece estar disposto a escoitar a postura de cidadanía en cuestións como o rexeitamento á autovía de conexión da A-57 co nudo de Peinador.

Declaracións do Grupo Popular.

No transcurso do pleno, un concelleiro do Grupo Popular agradeceulle ó alcalde, irónicamente, o terlle demostrado o perigo inherente á actividade municipal en Redondela e terlle ensinado ós concelleiros que os veciños de este municipio son uns terroristas que requieren fortes medidas policiais. Agradecemos a defensa que o concelleiro popular fixo da presencia veciñal no pleno, confiando en que esa actitude persistiría de ser o seu partido o que estivese no goberno municipal.
Dende a Plataforma, queremos facer un chamamento ós partidos que forman parte do grupo de goberno, BNG e PSOE, para se desmarcaren dos delirios déspotas e dictatoriales do señor Rei, para evitaren que a opinión pública os asocie con esa actitude antidemocrática. En particular, o partido socialista debería poñerlle fin a esta actitude, deixándolle protagonismo a personas menos inclinadas á chulería e a prepotencia, se é que as teñen.

Asinan: OAR, Plataforma Cidadá de Redondela, Liga Veciñal de Redondela, Colectivo Republicano de Redondela, A. VV. de Chapela, Rede A Ría Non Se Vende, Alén Nós, e outros colectivos

Os días 4, 5 e 6 de setembro a SCD do Condado pretende celebrar en Salvaterra do Miño, o vigéssimo-segundo Festival da Poesia e que sirva como punto de encontro das entidades que confluen na Rede Galiza Non Se Vende, como altofalante do sentir popular e como homenaxe a todas aquelas loitas que continuan a librarse ao longo do território nacional.

A SCD do Condado distinguiuse sempre por identificarse e apoiar as batallas en favor dos intereses populares e veciñais frente aos das empresas e políticos ao seu servizo. E desta maneira, continuan sen desviarse do camiño andado, tentando aportar o seu grao de area à imprescindíble tarefa de construir poder popular na Galiza de 2008.

Podedes atopar, máis información sobre o programa de actos ou como chegar ta Salvaterra en http://www.scdcondado.org/festival.htm#programa

¡Ola Piratas!

 

Este ano o Colectivo Xogo Descuberto volve á carga e dende OAR animamosvos a participar na II Reconquista da Illa de Toralla (Vigo). O sábado 13 de setembro ás 18:00 horas precisamos unir forzas de novo para reivindicar unha Illa de Toralla aberta para todas e todos, e na que cesen por fin as aberracións arquitectónicas que destrúen por completo o seu patrimonio tanto natural coma cultural.

 

 De novo, a nosa protesta consistirá nunha marcha pirata a través da ponte e máis da auga (traede a vosa embarcación!), que rematará nunha concentración pacífica diante da barreira. A abordaxe comeza de novo.

 

Colectivo Xogo Descuberto

 

Info: I Reconquista de Toralla

http://galiza.indymedia.org/pt/2007/09/12260.shtml

http://blip.tv/file/371456

Verdegaia vén de solicitar, mediante a presentación dun escrito á Concellalía de Medio Ambiente do Concello de Redondela, que se tomen as medidas pertinentes para garantir a adecuada conservación dos valores naturais que alberga o redondelano río Fondón, curso fluvial que alberga unha enorme e valiosa biodiversidade ó mesmo tempo que sofre múltiples e diferentes impactos debidos á presión antrópica.

Máis información na enlace: www.verdegaia.org/content/view/629/1/

Como xa anunciamos neste blog, o pasado sábado, 9 de agosto do 2008, celebrouse ás 19:00 horas, na pontevedresa Praza da Peregrina unha concentración antitaurina convocada pola Plataforma Pontevedra Antitaurina, co apoio de organizacións coma Adega, Matar por matar, non, C.S. Revira ou Equanimal, e que se englobou nos actos propios da campaña “Galicia, mellor sen touradas” promovida pola ong Libera.

Ao acto acudiron uns 300 pontevedreses, entre os que se atopaba un activista de OAR e puidemos distinguir a presenza doutr@s 4 redondeláns/nas. Logo duns intres concentrados na Praza da Peregrina, @s organizadores decidiron facer un percorrido circular polas rúas próximas, feito polo cal foron advertidos polas forzas policiais do Estado que serían sancionados  a razón de 3000 euros por convocante (5) ó non estar autorizado o percorrido pola Subdelegación do Governo de Pontevedra. Os manifestantes percibimos  simpatía,  extraneza, ou indiferencia de moitos cidadáns que o mesmo tempo disfrutaban dos actos propios das Festas da Peregrina. O acto rematou na praza da Peregrina ca lectura do manifeston elaborado pola Plataforma Pontevedra Antitaurina http://pontevedraantitaurina.wordpress.com/manifesto-de-pontevedra-antitaurina/

As organizacións antitaurinas valoran positivamente o apoio cidadán á campaña “Galicia, mellor sen touradas”.

A plataforma Pontevedra Anti-taurina convoca umha mobilización o sábado 9 de Agosto co obxectivo de erradicar da cidade as touradas, durante as que 24 touros van ser torturados, mutilados e desangrados ca complicidade das institucións públicas, que ou ben apoian economicamente este atavismo de origen española ou ben non fan nada contra estas. 

Entre as actividades que estan a realizar destaca a recollida de sinaturas a pe de rúa, así como o reparto de trípticos informativos, que estan a ter moi boa acollida. Tamén está prevista a realización dunhas mini-xornadas anti-taurinas, das que dan conta no seu blog: www.pontevedraantitaurina.wordpress.com

A de Pontevedra é a única praza de touros estáble de Galiza, e desde a a plataforma loitan pola súa desaparición e reconversión. Para iso precisan da nosa colaboración activa, así que aguardannos o sábado 9 de Agosto na praza da Peregrina. Desta vez vannos escoitar. 

A Plataforma fai tamén un chamamento aos colectivos e oganizacións galegas para que subscriban a convocatória e acudan con eles a expulsar a lacra taurina.

STOP TOURADAS. A TORTURA NON É ARTE NIN CULTURA!!