OAR convida á Manifestación que se levará a cabo o vindeiro venres 25 de abril, ás 20:30hs (Praza da Ferrería - Pontevedra), en contra da autorización ambiental a Ence-Elnosa.
Toda a información, na páxina da Asociación pola defensa da Ría (APDR)
Agardamos contar coa vosa presenza, para darvos a conhecer a situación actual desta paraxe que se non o remediamos, tende a desaparecer.
+ INFO: NAMCHEFILMS
+ INFO: PRECARIAS
CONVOCA: PRECARIAS EN LOITA
A ameaza de inicio de obras do porto deportivo do Salgueirón forma parte dun macabro xogo para forzar a recualificación dos terreos da antiga conserveira Massó no Salgueirón, os 197.400 m2 da unidade de actuación nº 27, dos que a mercantil Residencial Marina Atlántico S.A. di que posúe uns 150.000. A cualificación actual é de industrial nun 90% e residencial nun 10%. Un grupo de ex-traballadores da factoría tamén son propietarios de terreos na U.A.27 posto que mercaron as casas que tiñan asignadas, representan uns 15.000 m2.
A elaboración dun novo Plan Xeral está nos seus comezos, a data prevista para a presentación do avance era febreiro, e existe a promesa de presentación de un pre-avance aos colectivos sociais do concello, agrupados nun Consello Sectorial de Urbanismo, que presentaron suxerencias antes do 15 de decembro pasado.
A incógnita sobre o contido do avance é total, ACE, un dos grupos no goberno local e posuidor da concellería de urbanismo, propugnaba no seu programa un Salgueirón público, a traveso da negociación ou mesmo da expropiación; o BNG rexeitaba pronunciarse explicitamente no seu programa pero prometía participación veciñal e “un camiño totalmente diferente” ao do urbanismo do PP dende 1999; e o PSdeG PSOE local sempre se pronunciou como favorable a unha recualificación especulativa.
Evidentemente, o contido do citado avance marcará o rumbo da batalla veciñal en contra da especulación e da destrución medioambiental que produciría o pretendido porto deportivo, situado nunha zona de gran valor natural e que podería afectar de xeito moi importante á dinámica litoral e a economía pesqueira da ría.
Mentres tanto, a batalla legal continúa coa presentación de un escrito á Garda Civil de Cangas pedindo a intervención no caso de que as obras dean comezo, baseandose nas denuncias en curso; e unha petición de paralización cautelar dirixida á Fiscalía da Audiencia Provincial de Pontevedra, acompañando documentación que proba as diferentes ilegalidades cometidas na tramitación da concesión de porto deportivo.
——————————-
INFO: GALIZA NON SE VENDE
