OAR

O pasado 7 de Agosto o Ministerio de Fomento facía público no B.O.E. as 4 opcións de viais que se presentaban para a futura construcción dunha autovía que esnaquizaría o Concello de Redondela. Dende xullo do 2004, TRN Ingeniería, empresa encargada da elaboración do estudo informativo “Variante de Redondela”, púxose en contacto co Concello de Redondela en múltiples ocasións para solicitarlle a información necesaria para a redacción do mesmo.

ONDE ESTABAS TI NO AGOSTO `06?

P.S.O.E. O líder dos socialistas redondeláns, o imperecedeiro e inmutable Jaime Rey, pasou o mes sentado na terraza do “bar dos avións” e de estancia por Portugal.

B.N.G. O ben pagado señor Pazos pasou o mes reflexionando sobre o camiño que debe coller, (atopase perdido); se dereita, se esquerda, se todo recto ou simplemente deixarse estar. (Ou sexa, segue perdido).

I.U. Manolín “cicloturista” seguiu a comer do mesmo plato que os demais subvencionado pola concellaría de Turismo e Feiras.

R.A. Bastos continuou autopublicitándose no Faro de Vigo, e decidiu continuar co seu propio pacto de oposición co P.P.

P.P. Paqui “princesa” Canal con saias e ao tolo, decidiu facer un pouco de campaña electoral. Foi vista polas parroquias repartindo saúdos e sorrisos a bordo dun camión cisterna da Deputación.

NOTA: Paqui Canal (P.P.) é presidenta da comision informativa de medio ambiente e urbanismo da Deputación de Pontevedra. Dita deputación deu conformidade no B.O.P. do 7 de setembro ao estudo informativo EI-2PO-21 (variante Redondela).

O 12 de Setembro rematou o prazo para que *s veciñ*s presentasen alegacións no rexistro do Concello.

Como podemos intuir os 20 concelleiros máis o alcalde tiveron tempo libre de abondo para informar aos veciños, (non chega con poñer uns mapas no concello e esquecer o tema), xa que todos eles tiñan o dossier de Fomento co proxecto dende principios de Agosto. Por todo isto e máis, preguntámonos:

-Que tipo de intereses escóndense detrás destas perxonases? Urbanísticos tal vez?

-De quen ou quenes, xurdiu o encargo para realizar o estudo das variantes?

-Por que o P.S.O.E., P.P., B.N.G., I.U. e R.A. caláronlle a realidade ao pobo?

-Que pretendían, seguir manipulando a tódolos veciños desta Vila?

NON QUEREMOS AUTOVÍAS

Por certo, parece ser que nesta vila os políticos son os que teñen o poder soberano e o pobo non deixa de ser para eles os seus lacaios.

O vindeiro Venres 29 de Setembro celebrarase no Concello de Redondela un pleno extraordinario para tratar o tema dos viais a partir das 20:30, por elo convidamos a tódolos veciños desta noble Vila a participar na concentración que se realizará na praza do Concello a partir das 20H.

NON Á DIVISIÓN DO POBO!!!

NON QUEREMOS AUTOVÍAS!!!

21 CONCELLEIROS; INÚTILES MINTIREIROS!!!!

A Rede Fiminista contra os malos tratos, convoca a tódol*s veciñ*s de Redondela a participar nunha concentración de repulsa cara os malos tratos sufridos por unha moza deste pobo. (Para os que non estedes informados podedes consultar o Diario de Pontevedra do pasado 19 de Setembro, páxina 10).

A concentración será o 22 de Setembro, Venres, ás 20:30 diante da casa do Concello.

Dende O.A.R. esperamos que poida acudir o maior número de xente, e así, poder mostrar o noso apoio a esta e a tódalas mulleres víctimas de malos tratos.

Fotos da asemblea informativa celebrada o domingo 17 pola plataforma cidadana en contra da variante de Redondela. Tal foi o éxito da convocatoria que o acto tivo que celebrarse por dúas veces ao quedar fora do auditorio unha boa parte dos asistentes.

Fotos da concentración do mércores día 13 en contra do proxecto de construcción dunha estrada de circunvalación de Redondela. Unhas cincocentras persoas, procedentes de distintas parroquias, xuntáronse diante da Casa Concello para mostrar o seu rexeite a calquera dos trazados posíbeis.

Prégasevos que difundades todo o que poidades a mensaxe e a maior colaboración cos compañeiros.

http://www.cidadesdixitais.org/microsite/redondela/redo_estradas_nacionais/estradas.htm